Xəbərlər

Şuşa şəhərinin 2024-cü ildə “İslam dünyasının mədəniyyət paytaxtı” elan edilməsi ilə bağlı tədbirlər haqqında Azərbaycan Respublikası Prezidentinin 21 noyabr 2023-cü il tarixli Sərəncamına uyğun olaraq AMEA-nın A.A.Bakıxanov adına Tarix və Etnologiya İnstitutu elmi konfrans, seminarlar keçirir, kitablar işıq üzü görür, institut əməkdaşları məqalələr dərc edir, müxtəlif tədbirlər təşkil olunur. Ötən il Qətər Dövlətinin paytaxtı Doha şəhərində keçirilən İslam Dünyası Mədəniyyət Nazirlərinin 12-ci konfransında Şuşa şəhərinin “İslam dünyasının mədəniyyət paytaxtı” elan edilməsi Azərbaycanın tarixi-mədəni, ictimai-siyasi həyatının mühüm mərkəzlərindən biri olan, İslam mədəniyyətinin zənginliklərini dolğun təzahür etdirən şəhərimizə xüsusi ehtiramın ifadəsidir. Bu …

Ölkəmizdə tibb sənayesinin inkişafında göstərdiyi xidmətlərə, yüksək idarəçilik qabiliyyətinə, humanist sahibkarlıq fəaliyyətinə və xüsusilə şəhid ailələrinə, onların valideynlərinə, qazi və əsgərlərimizin müayinə və müalicəsinə göstərdiyi hərtərəfli xeyriyyəçilik fəaliyyətlərinə görə tanınmış iş adamı Xuraman Muradova “Vektor” Beynəlxalq Elmlər Akademiyasının Fəxri Professoru ünvanına layiq görülmüş, “Fəxri Xeyriyyəçi” beynəlxalq diplomu və “Fəxri Ziyalı” beynəlxalq mükafatı ilə təltif edilmişdir. Xuraman İsmayıl qızı Muradova 22 avqust 1965-ci ildə Goranboy rayonunun  Xanqərvənd kəndində anadan  olub . 1982 - ci ildə  Xanqərvənd kəndində orta məktəbi əla qiymətlərlə bitirib. 1982-1987-ci illərdə Azərbaycan Dövlət Memarlıq və İnşaat Universitetində  təhsil …

Azərbaycan Yazıçılar Birliyinin (AYB) “Natəvan” klubunda  VEKTOR Beynəlxalq Elmlər Akademiyasının təsis etdiyi Şahmar Əkbərzadə adına Beynəlxalq ədəbiyyat mükafatının təqdimetmə mərasimi keçirilib. Tədbirdə tanınmış qələm adamları, xarici qonaqlar, görkəmli mədəniyyət və elm xadimləri, keçmiş və yeni mükafatçılar, media nümayəndələri iştirak ediblər. Tədbiri giriş sözü ilə açan AYB-nin katibi Elçin Hüseynbəyli mükafatın Azərbaycan ədəbiyyatında xüsusi yeri olan Şahmar Əkbərzadənin adına təsis olunmasının önəmini vurğulayıb: “Elçin İsgəndərzadəni hələ gəncliyimizdən tanıyıram. Onun ədəbiyyatın inkişafında, təbliğində ardıcıl və davamlı fəaliyyətini hər zaman yüksək dəyərləndirirəm. Elçin İsgəndərzadənin bu mükafatla Şahmar Əkbərzadə adını yaşatması da çox gözəl …

“Vektor” Beynəlxalq Elmlər Akademiyası tanınmış Koreyalı türkoloq, professor Eunkyung Ohu Fəxri Doktor diplomu ilə təltif edib. Koreyalı türkoloq bu yüksək mükafata Azərbaycan və bütövlükdə türk xalqları ədəbiyyatının tədqiqi, təbliği və tərcüməsindəki fəaliyyətinə görə layiq görülüb. Eunkyung Oh Donkduk Qadınlar Universitetinin professoru, Avrasiya Türk Araşdırmaları İnstitutunun direktoru, ingiliscə yayınlanan “Avrasiya Türkoloji Araşdırmalar” dərgisinin baş redaktoru, YUNESKO-nun Orta Asiya ölkələri üzrə təmsilçisi, Özbəkistan Elmlər Akademiyasının üzvü, nazir səviyyəsində Koreya prezidentinin müşaviridir.  Azərbaycan Yazıçılar Birliyinin fəxri üzvü olan müəllifin nəşr olunmuş elmi araşdırmaları içərisində “Türk ədəbiyyatında Koreya savaşı” (türkcə), “XX yüzil Türkiyə və Koreya …