1-7 may tarixlərində Türkiyənin Antakya şəhərində 3 qitə, 15 ölkə yazar və şairlərinin iştirakı ilə II Beynəlxalq Çuxurova Ədəbiyyat Festivalı keçirilmişdir. 150-dək söz adamının qatıldıqları bu toplantıda təşkilat komitəsinin üzvü olaraq Azərbaycanı şair, professor Elçin İsgəndərzadə təmsil etmişdir. Beynəlxalq tədbirin açılış mərasimində professor E.İsgəndərzadəyə Türkiyə Yazarlar Sendikasının üzvlük vəsiqəsi təqdim olunmuşdur. Xatırladaq ki, o, bu ədəbi quruma xalq yazıçısı Anardan sonra seçilmiş ikinci azərbaycanlıdır.